2018暑假高雄之旅係一個完全無計劃底下嘅旅程，因為阿媽公幹，一家大細掹衫尾快閃玩一趟。

雖然快閃，不過行程都好充實，上山下海，玩得非常開心！

一落機，酒店都未去就到台灣南部最大的商場草衙道鈴鹿賽道樂園玩，除了室外機動遊戲之外，購物中心内有一個「WeSport」運動主題樂園，設有健身中心、棒球打擊練習場、保齡球場、籃球場等各種可以挑戰的運動項目，我地選擇咗玩Mini Golf。

晚上到高雄市同媽媽匯合，入住高雄市漢來大飯店，臨瞓前我地出去夜市掃街，去書店睇書，開開心心咁就過咗第一日！